☰
2025-11-08
Samstag
Am Samstig het üsi Reis uf Ardéche mit zwei Büsli agfange. Eis Büsli hät sich z’Wattwil miteme z’Morge Kaffi und Gipfeli vo de Silvia am 8i besammlet und het gstärcht chöne starte. Es sind alli guet acho au mit ächli verspötig vo öppe 6 Stund häts de Bus via Bern au no gschafft, halt wie diä langsame Berner😊. Nochem Zelt ufstelle ufem Camping le vieux Vallon hets den för diä einte Znacht gehe und anderi händ no uf de Rest gwartet vo de Chochgruppe. Zum üsi Ziit nochli mit Kultur-Wiiterbildig znutze simmer de Pont d’Arc goh aluege. Retour ufem Campingplatz hemmer Spieli gspielt bis den de ander Bus am 10i au acho isch. Sie händ den no eren Schlpfplatz ufgstellt und Znacht gchochet.
Sonntag
Am Sunntigmorge nochem Zmorge simmer Richtig Balazuc ufbroche. Im Chlettergarte les barasses simmer voller Vorfreud i de erste Routene gstartet. Nochem Mittag hemmer den scho die erste Route im Schatte gsuecht. Wills so schöni Riss gha hät händ einzelni mit Friends und Keil güebt z’chlettere. Und au en Sturz isch güebt worde innen Friend, er het verhebet und so isch den dJO-Gruppe au scho wieder Richtig Camping gange. Ufem Weg in Camping hets no en Glace-Stopp gehe. Znacht hemmer i üsere Chochgruppe kochet, bi de einte hets Risotto gehe, bi de andere Linsecurry und Thaicurry. De Obet hemmer wieder miteme Tichu usklinge loh.
Montag
Am Mäntig simmer in Chlettergarte Chaulet, en sehr Lohnenswerte Chlettergarte mit allne Schwierigkeitsgrad, herrlicher Ussicht und en Fluss hets au gha zum Bade. Da hät de Mischa denn au gad scho gnutzt und isch a diä ander Ufersiite miteme schnell Schwum goh luege gange. Öb mer i dene Höhlene, wo au en Chlettergarte sind, au chöntet chlettere. Bim ichaufe för de Znacht händ sich zwei Chochgruppw zämä tue und Burger zum Znacht gmacht. Und als Dessert häts Crepe ghe. sCrepeiise wo mer kauft händ het sich bis Ende Lagerwoche als sehr guete Chauf erwise.
Dienstag
Bi de Meiste hets ä gsunds Müesli zum Zmorge gehe. Gstärcht simmer in Chlettergarte Fontgarnide, au do hemmer voller Energie agfange chlettere, bis mer gmerkt händ das dRoutene nöd ganz mit em Topo öberrein stimmet. So simmer noch Ausgseh vo de Route und je noch Bedarf mit em Topo gchletteret. De Mischa, de Fabian, de Jeremias und dMarlis händ noch jedere Route ä Pause brucht und ä Rundi Tichu gspielt. Zum Znacht hets Chilli cincarne und i de andere Chochgruppe hets Facjtas geh. Als Usklang vom Obet händ d’Jöler es neus Spieli kenneglernt, sogennante Ochsespieli (oder au 6nimmt).
Mittwoch
Am Morge hets för diä wo loscht gha händ echlineri Joggingrundi gehe. De Mittwoch het für di chliner Gruppe mit de Marlis, Katja, Marc und Sarah en gmüetliche Spaziergange geh. De gmüetlich Spaziergang isch wieder zum Pont d’Arc gange und retour zum Camping.
D’Salome R., Mischa, Christoph, Salome H., Jeremias, Fabian, Laira, Lorena, Annika und Livia sind goh Kajakä uf d’Ardéch. I zweierböttli hemmer üs uf die Strecki vo 10km gwogt. Zerst no voller Enerigie und voller Chraft voraus, bis den die erste Kajaks kenteret gsi sind. Und de hets au scho ächli ä Verschnufspause gehe vom ruedere. Bis mer gmerkt händ das es fast strenger isch denand z’kentere z’bringe als paddle und Ziit üs au de vo glofe isch. Also simmer witter öber Schleussene, Strömige und tüüfe Wasser. Bis den s’Kajak vom Christoph und de Salome H. vonere Strömig kentert isch. Wiiter gange is den mit deepwater solo nomel viel padle und Schiffliversenke bis alli mol im Wasser goh tauche sind. S’Kajak vo de Salome R. und de Laira isch miteme Actionrieche Move vom Fabian, Jeremias und Fabian kenteret worde. Gmüetlicher is den underem Pont d’Arc worde vomer nüme usem Stuune usecho sind, öppis händ scho Routene im Pont d’Arc gseh und anderi sind uf Höhle entdeckig. Am Schluss hetet mer no fast de Usgang verpass will’s nomel ä Schiffliversenkis geh het. Agfange hets das de Mischa d’Lorena is Wasser gschupft het und s’Kajak vom Mischa und de Livia nomel kenteret worde isch. Zum Glück het de Jeremias gseh das mer use mönd.
Troffe het sich den die ganz Lagertruppe wieder im Dorf zum goh Glace esse.
Donnerstag
Bi de Jöler und junge Leiter hets Pancakes zum zMorge geh. Am Donnstig is wieder wiiter mit chlettere gange nochem Ruhetag. Mit viel Energie simmer in Chlettergarte le grand Charmasson. Mit viel spannende Route unteranderm sottig wo Nester mit Wespi gha händ und d’Lorena fast drinn iä gchletteret isch. Anderi händ d’Routene auf för Sturztraining brucht oder sind goh Mehrseillängi chlettere. D’Marlis, d’Sarah und de Christoph sind am Nomitag no zumene Bächli glofe und händ ufem Weg det ane ä Schlange gsichtet. Zum Znacht hets bi allne no möglichscht alli Reste gehe so das mer nüt mönd mitheineh.
Freitag
Am Friitig simmer nomel in Chaulet Chlettergarte. Mit zwei Büss immer losgfahre vom Camping eine het no en Abstächer zunere Bäckerei gmacht zum goh Pain auc chocholat z’hole. Ächli verspötet sinds den au acho. De Fabian het gad scho samt de Schuhe und d’Chleider id d’Ardéche wölle goh Bade. Üse letscht Chlettertag im Lager hemmer den aber doch no bis mer nüme möge händ mit chlettere verbrocht. Am Obet hets för diä ganz Lagergruppe Pizza’s geh und mer händ den de Obet no müetlich Usklinge loh.
Samstag
A üsem Heireistag hets gheise am 7:00 ufstoh und alles zämä z’packe, zMorge esse und abfahre. Noch 8 Stund Heifahrt wos bi de einte kuschliger gsi isch wie bi andernä, hets denn au scho wieder gheise Abschied znäh und a diä wunderschön Lagerwoche zruckdenke. Wo för diä eint oder ander Person andersch usecho isch wiä denkt.
Teilnehmende: Annika, Christoph, Fabian, Jeremias, Katja, Laira, Livia, Lorena, Marc, Marlies, Mischa, Salome Rütsche, Salome Haller, Sarah
Autorin: Livia Gehrig
