☰
2023-09-20
Alli zeh vereint isch es losgange, zur Sidälähütte simmer ufgstigä,
ohni grossi Belangä.
Noch enere Stärchig und ablagerig vum Ballast,
simmer zum Schildkrötligrot und jede het sich en Partner gfasst.
Öbs e Schildkrot gsie isch wüssemer nöd,
das ischs hald e chli blöd.
Über schönschte Granit und über Türm sind mer gange,
Geier hend üs währenddessä kreisend empfangen.
De Kameltriiber Sieber ganz oba,
het sich mit sinere Beruefig chöna ustoba.
Die Einte hend sich mitemnä Schlöfli erholt und
Die andere ide Militärbadhosa im Seeli verschollt.
D'Pedition zur Ruhestörig i de Berga hemmer schier igreicht,
d'Rega het ihres Ziel im Nachtisatz aber nöd erreicht.
Am nöchschte Morgä ischs drum witergange,
mit de Winde hends die übernachtende Chletterer chönna fange.
Bim Chlettere mit Sunne und blauem Himmel isch de Südostsporn es Chinderspiel gsie,
und noch 10.5h Stund isch denn Hochtour au scho wieder verbii gsie.
Verfasserinnen: Sarah Breitschmied und Salome Rütsche
Teilnehmer: Laurina, Livia, Sarah, Martina, Remy, Jeremias, Meral, Martin, Stephan und Salome
Organisatorin: Salome
