☰
2016-01-23
Eisklettern Schnupperkurs
30. Januar 2016
Di meischtä, das heisst alli ussert dä Louis und dä Stephan, sind bereits am vorobet bi dä Meral ihrerä super Eizimmerwohnig z Davos go schlofä. Döt hemmers grad ä chli gmüätlich gha. Somit hemmer am nöchste Morge früäh chönne starte und sind mit em erschtä Poschti is Sertigtal hindärä gfährä. Döt sind denn dä Louis und de Stefan au idrudlet. Vo döt ah sind alli mitenand zu dä Iisfäll gstürchläd und hend als erschts grad ä Pausä gmacht um d Lag vor Ort z beurteile. Noch dem alles agleit gsi isch und das was nid passt hett underanand ustuscht wordä isch, sind d Leiter go Route ihrichte, demit mir nocher im Top-Rope üsi erschte Erfahrige im Iis hend chönne sammle.
Alles klar, dä Louis und ich sind Iigschtigä und nid abakeit.
Irgendwenn, nach filnä Iispliter spöter, hemmer im Schatte vom Iisfall äs guäts Ragglet zum z`Mittag serviert becho. Di eintä Ischläterrer hend denn schono gluägt und au gern no en Biss probiert.
Gäg di zwei isch denn dä Louis abzischt, will er no in ä Langlauflager hett müsse go. Denn ischs gli mol ruhig und chüäl wordä. Am Nommitag sind miär denn no a än Isfall näbät dra gangä. Dört isch es denn allerdings recht brüchig gsi, und ich ha müssä luägä das es für di andere nocher au no Is übrig hät.
Zum Schluss hend mir denn üsi Erlebniss und neue Iidrück im gmüetliche Restaurtant Walserhus (Sertig) usklinge loh.
Alles i allem än super Tag gsi, mir hetts gfallä und i globä dä andärä au.
Teilnehmer: Martin, Stephan, Silvan, Laura, Meral, Louis, Jeremias
Bericht: Jeremias Eggenberger
