☰
2016-06-04
Seilbähnli bauen in Moslig
4. Juni 2016
An dem Samstig isch dJO und s KiBe ir nöchi vo Mosnang go Seilbahnli bauä.
Äs het greggnet , aber nur am Afang. Zeärscht simmer zWattwil uf dä Bahnhof und in Zug igstigä. Den sind mir neiswo usgstigä und is Poschtauto wieder istigä. zMosnang simmer denn usgstigä und zu sommänä Flüssli gloffä.
Die eintä sind am Füürlä gsi und di anderä (zu denä ha ich kört) sind ä Probebahn go bauä. Umcho isch niämärt bi de erschte Fahrt, was scho mol guät isch. Wo denn alli gfahre sind, hend mirs Füürkommando übernoh, wils di einä nid gschaft hend das nassi Holz azzündä.
Irgendwenn hets bränt, und mir hend üs voll uf dä Bau vo ämänä Bänckli gwidmät. Bequwem is gsii. D`Bautruppä fu de nöchschte, grössere Bahn isch ächlii früänär gangä und mir sind no chli bim Füür blibe.
Neiswenn sind mir den au zu de Bautruppe gangä. Bahn isch bald fertig gsi und mir sind druf gfahre. Die Bahn isch zimlich geil gsii!
Si isch über än Wasserfall gangä und denn zmol i so än Wald . Fu dem Wald us hemmer än Hang ufä müssä wo den drGregor üs zrug zur Talstazion brocht hett, wo den der ganz Spektakel fu neuem agfangä het.
Neiswen sind mir zügig zum Poschtauto zrug, hens aber troztem verpasst.
Jänu sind mir halt ufs nöchsti gangä. Jo und so isch das Abentür den au gloffä gsi.
Schöä ischs gsi.
Bericht: Jeremias Eggenberger
